UEFA Konfrans Liqasının III təsnifat mərhələsində keçiriləcək “Qarabağ” – “Dinamo” (Kiyev) qarşılaşmalarını idarə edəcək hakimlər briqadası müəyyənləşib.
Elpress.az xəbər verir ki, avqustun 6-da Polşanın Lublin şəhərində keçiriləcək ilk oyunun baş hakimi Danimarkadan Morten Kroq olacaq. Ona yan xətt hakimləri Şteffen Bramsen və Viktor Skite kömək edəcək. Dördüncü hakim funksiyasını Yakob Karlsen, VAR hakimi vəzifəsini isə Yakb Kelet yerinə yetirəcək.
Avqustun 13-də Bakıdakı cavab qarşılaşması isə İngiltərədən olan hakimlər briqadasına həvalə edilib. Matçın baş hakimi Stüart Attvell olacaq. Ona yan xətt hakimləri Yan Hussin və Nik Qrinhalq, dördüncü hakim Lyuis Smit kömək edəcək. VAR hakimi kimi isə Piter Benks fəaliyyət göstərəcək.
Qeyd edək ki, cavab görüşü avqustun 13-də Tofiq Bəhramov adına Respublika Stadionunda keçiriləcək və saat 20:00-da başlayacaq.
