Azərbaycan vətəndaşlarının müddətli həqiqi hərbi xidmətə çağırışı üzrə fəaliyyət göstərən Mərkəzi Çağırış Komissiyasının tərkibində dəyişiklik edilib.
Elpress.az xəbər verir ki, bununla bağlı Baş nazir Əli Əsədov müvafiq qərar imzalayıb.Qərara əsasən, komissiyada TƏBİB-in təmsilçiliyi ilə bağlı yeni qayda müəyyənləşdirilib.
Belə ki, bundan sonra qurumu komissiyada İcraçı direktor deyil, direktor müavini təmsil edəcək.
Dəyişiklik Nazirlər Kabinetinin 14 iyun 2016-cı il tarixli, Azərbaycan vətəndaşlarının müddətli həqiqi hərbi xidmətə çağırışı üzrə Mərkəzi Çağırış Komissiyasının tərkibini tənzimləyən qərarına edilən düzəliş çərçivəsində həyata keçirilib. Yeni qərarla komissiyanın fəaliyyətində TƏBİB-in nümayəndəliyi yenilənmiş qaydalara uyğun təşkil olunacaq.
