Aysel Əlibəyli
04 Sentyabr 2026 · 18:03
1048 baxış
Elpress.az xəbər verir ki, Bakı Metropoliteninin paytaxtın Nəsimi rayonunda, Cəlil Məmmədquluzadə küçəsi 194 ünvanında inşa edilən yeni stansiyası “20 Sentyabr” adlandırılacaq.
Bununla bağlı Nazirlər Kabineti qərar qəbul edib. Qərar Baş nazir Əli Əsədov tərəfindən imzalanıb.
Yeni adın seçilməsi 2023-cü il sentyabrın 20-də Azərbaycanın bütün ərazisində dövlət suverenliyinin bərpa olunması ilə əlaqələndirilir. Stansiyanın bu adla adlandırılması Prezident İlham Əliyevin təşəbbüsü əsasında həyata keçirilib.
Qərardan irəli gələn məsələlərin həlli Bakı Şəhər İcra Hakimiyyətinə və “Bakı Metropoliteni” QSC-yə həvalə olunub.
