Elpress.az xəbər verir ki, elektrik enerjisi təchizatının keyfiyyətinin yüksəldilməsi və artan tələbatın qarşılanması məqsədilə bu gün paytaxtın bir sıra ərazilərində transformator məntəqələrində təmir işləri aparılacaq.
Məlumata görə, Yasamal Rayon Enerji Təchizatı və Satışı İdarəsinin xidmət ərazisində yerləşən Abbas Mirzə Şərifzadə, Çuxursəd, Elşən Müslümov, Əjdər Ağayev, Məhəmməd Xiyabani və Mirəli Seyidov küçələrinin bəzi hissələrində, həmçinin Bakı Kənar Dairəvi Yolunun bir hissəsində saat 10:00-dan 13:00-dək elektrik enerjisinin verilişində fasilə yaranacaq.
Bundan əlavə, Nərimanov Rayon Enerji Təchizatı və Satışı İdarəsinin ərazisinə daxil olan Ağa Nemətulla, Arif Hacıyev və Arif Heydərov küçələrinin bəzi hissələrində saat 09:00-dan 13:00-dək elektrik enerjisinin verilişi müvəqqəti dayandırılacaq.
“Azərişıq” ASC-dən bildirilib ki, təmir işlərinin başa çatdırılmasından sonra qeyd olunan ərazilərdə abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.
Bakının bəzi ərazilərində elektrik enerjisinin verilişi məhdudlaşdırılacaq
Aysel Əlibəyli
02 Sentyabr 2026 · 08:29
1040 baxış
