Şair Əli Hacı Ağayev sosial şəbəkə hesabında yeni şeirini paylaşaraq oxucularının diqqətini çəkib.
Elpress.az xəbər verir ki, müəllifin paylaşdığı şeirdə vətən sevgisi, həyatın çətinlikləri, insanın daxili dünyası və mənəvi dəyərlər poetik dillə ifadə olunub.
Əllərim çatmadı qovam buludu,
Boyum da çıxmadı birinci duram !
Qapılar tanıdır evin yiyəsin,
Qapı,pəncərəsiz evə divaram !
Bir yurdam,şəhərəm,bir vətənəm mən
Axan çaylarımı dəryalar yeyir !
Süfrəmdə yeyilən yaxşılıqlara,
Sözü yağış deyir,küləklər deyir !
Paprosun külünü pasdım yarama,
Qoy,qanı axmasın elin gözünə !
Sinəmdə o,qədər dağ yeri vardır
Çıxarda bilmirəm səni düzünə !
İlahi! Sürünmək-yaşamaq deyil,
Ömrü uzatmaqsa,həyat töhmətin !
Yerinlə,göyünlə sən də varlısan
Səninlə də tutmaz,mənim söhbətim !
