“AzerGold” QSC ilə “Regional İnkişaf” İctimai Birliyinin birgə təşkilatçılığı çərçivəsində Daşkəsən rayonunda 5 İyun – Ümumdünya Ətraf Mühitin Mühafizəsi Gününə həsr olunmuş “Təbiətə qayğı missiyamızdır!” şüarı altında genişmiqyaslı təmizlik aksiyası həyata keçirilib.
Elpress.az APA-Economics-ə istinadən xəbər verir ki, tədbirin əsas məqsədi ətraf mühitin qorunması, tullantıların düzgün idarə olunması və ekoloji mədəniyyətin təşviq edilməsi olub. Aksiyada “AzerGold” QSC-nin əməkdaşları və RİİB-in könüllüləri fəal iştirak ediblər.Aksiya zamanı Qoşqarçay hövzəsi boyunca yerləşən təxminən 2 hektar ərazi məişət tullantılarından – plastik, polietilen, metal, şüşə, kağız və karton materiallardan təmizlənib. Toplanan tullantılar çeşidlənərək təkrar emala yönləndirilib.Qeyd olunub ki, “AzerGold” QSC ölkədə dağ-mədən sənayesində fəaliyyət göstərən dövlət şirkəti kimi ekoloji standartlara uyğun istehsal prinsiplərini əsas götürür və regionlarda mütəmadi olaraq yaşıllaşdırma və təmizlik layihələri həyata keçirir. Şirkətin təşəbbüsü ilə hər il müxtəlif ekoloji aksiyalar və ağacəkmə kampaniyaları təşkil olunur.Xatırladaq ki, Ümumdünya Ətraf Mühitin Mühafizəsi Günü 1972-ci ildə BMT tərəfindən təsis edilib və bu il UNEP tərəfindən “İqlim dəyişikliyi” mövzusu ilə qeyd olunur.
