Göylər kəndində sosial müəssisə qadınların məşğulluğuna və sahibkarlıq imkanlarına dəstək verir
Elpress.az xəbər verir ki, Şamaxının Göylər kəndində tənha anaların sosial və iqtisadi imkanlarının artırılmasına yönəlmiş “Tənha anaların sosial inkişafına dəstək II” layihəsi çərçivəsində yaradılan sosial müəssisənin fəaliyyəti davam edir.Layihə PAŞA Holding-in dəstəyi ilə Dövlət Məşğulluq Agentliyi, Şamaxı Rayon İcra Hakimiyyəti, Kiçik və Orta Biznesin İnkişafı Agentliyi və “İnternat Məzunlarının Sosial İnteqrasiyası” Gənclər İctimai Birliyinin birgə təşəbbüsü əsasında həyata keçirilir.Layihə iştirakçıları Dövlət Məşğulluq Agentliyi tərəfindən peşə təlimlərinə cəlb olunub, daha sonra istehsal fəaliyyəti üçün zəruri avadanlıqlarla təmin ediliblər.Sosial müəssisənin əsas məqsədi tənha anaların övladlarını dövlət uşaq müəssisələrinə verməsinin qarşısının alınması, onların sosial rifahının yüksəldilməsi və dayanıqlı məşğulluq imkanlarının yaradılmasıdır. Layihə həmçinin qadınların sosial həyata daha fəal qoşulmasına, iqtisadi təşəbbüslərinin inkişaf etdirilməsinə və sahibkarlıq fəaliyyətinin genişləndirilməsinə şərait yaradır.Bildirilib ki, 2026-cı ildə “Tənha anaların sosial inkişafına dəstək I” layihəsi çərçivəsində Şamaxıda fəaliyyət göstərən sosial tikiş müəssisəsində çalışanların sayı 10 nəfərdən 24 nəfərə çatdırılıb.Qadınların səlahiyyətləndirilməsi PAŞA Holding-in korporativ sosial məsuliyyət strategiyasının əsas istiqamətlərindən biri kimi qeyd olunur. Bu çərçivədə “AFAQ”, “Ana sahibkar” və “Women Bazaar” kimi müxtəlif layihələr də həyata keçirilir.
