İlhamə Qədimova Saatlı rayonunda keçirilən regional müşavirədə ölkədə qoyunçuluğun inkişafı və ixrac imkanlarının genişləndirilməsi ilə bağlı yeni hədəfləri açıqlayıb.
Qeyd olunub ki, “Azərbaycan Respublikasında kənd təsərrüfatı, balıqçılıq və akvakultura məhsullarının istehsalı və emalı sahələrinin inkişafına dair 2026–2030-cu illər üçün Dövlət Proqramı” çərçivəsində qoyun əti istehsalının və ixracının artırılması əsas istiqamətlərdən biridir.Planlara əsasən, 2030-cu ilə qədər qoyun əti istehsalında 9 faiz, heyvan sayında isə 10 faiz artım nəzərdə tutulur. Eyni zamanda, ixrac həcminin 2,9 min tona çatdırılması hədəflənir.Bununla yanaşı, ölkə üzrə 300 yeni yarımintensiv qoyunçuluq təsərrüfatının yaradılması və 480 min hektar örüş və otlaq sahəsinin bərpası da proqramın əsas istiqamətləri sırasında yer alır.
