Qırğızıstan elektrik enerjisinin təxminən 90 faizini hidroenerji mənbələrindən əldə etməklə, bərpa olunan enerji sahəsində yüksək asılılığa malik ölkələrdən biri kimi çıxış edir
Elpress.az-ın Apa.az-a istinadən verdiyi məlumata əsasən, 31-ci Bakı Enerji Forumu çərçivəsində keçirilən nazirlər səviyyəsində plenar sessiyada çıxış edən Qırğızıstanın energetika naziri Taalaybek İbrayev bildirib ki, ölkədə istehsal olunan elektrik enerjisinin təxminən 90 faizi hidroelektrik stansiyaların payına düşür və bu, Qırğızıstanın enerji balansında su resurslarının həlledici rolunu göstərir.Nazirin sözlərinə görə, Qırğızıstan Mərkəzi Asiyanın vahid enerji sistemi daxilində Qazaxıstan və Özbəkistanla sıx əməkdaşlıq edir, belə ki, elektrik enerjisi çatışmazlığı yaranan dövrlərdə ölkə qonşularından dəstək alaraq enerji sabitliyini qoruyur.T.İbrayev həmçinin qeyd edib ki, 60 ildən artıq istismar olunan hidroelektrik stansiyalarda modernləşdirmə işləri aparılır, bununla yanaşı günəş və külək enerjisi layihələrinin genişləndirilməsi istiqamətində də addımlar atılır.Nazirin vurğuladığına görə, Qırğızıstan yaşıl enerji istehsalını artırmaq və enerji təchizatının dayanıqlığını gücləndirmək məqsədilə enerji sektorunda islahatları ardıcıl şəkildə davam etdirir.
