Aysel Əlibəyli
31 İyul 2026 · 09:55
1038 baxış
Dünya enerji bazarlarında Azərbaycanın ixrac etdiyi “Azeri Light” (CIF) markalı xam neftin qiymətində növbəti artım qeydə alınıb.
Elpress.az xəbər verir ki, “Azeri Light” markalı neftin bir barelinin qiyməti əvvəlki ticarət günü ilə müqayisədə 0,39 ABŞ dolları (0,4 faiz) artaraq 98,58 ABŞ dollarına yüksəlib.
Xatırladaq ki, ötən gün Azərbaycan neftinin bir bareli 98,19 ABŞ dollarına satılmışdı.Məlumat üçün bildirək ki, “Azeri Light” markalı neftin tarixi minimum qiyməti 2020-ci il aprelin 21-də 15,81 ABŞ dolları, maksimum qiyməti isə 2008-ci ilin iyulunda 149,66 ABŞ dolları olub.
Qeyd edək ki, 2026-cı il dövlət büdcəsində “Azeri Light” neftinin orta qiyməti 65 ABŞ dolları səviyyəsində götürülüb.
