Alıcılar premium modellərdən daha çox büdcəyə uyğun maşınlara üstünlük verirlər
Elpress.az xəbər verir ki, Azərbaycanda avtomobil bazarında alıcıların seçimində dəyişiklik müşahidə olunur. İyul ayında nisbətən köhnə, daha münasib qiymətli və orta seqmentə aid avtomobillərin bazardakı payı artıb.Mövcud hesablamalara əsasən, avtomobillərin ümumi qiymətlərində ciddi dəyişiklik olmasa da, alıcılar seçim zamanı daha çox büdcələrinə uyğun nəqliyyat vasitələrinə yönəlib. Eyni dövrdə premium avtomobillərə marağın nisbətən azaldığı bildirilib.Mütəxəssislər ikinci əl avtomobillərin qiymətinə təsir edən əsas amillərdən birinin kuzov elementlərinin rənglənməməsi olduğunu qeyd edirlər. Belə ki, detallarında boya izi olmayan və qəza keçirməyən avtomobillər eyni il və model üzrə digər nəqliyyat vasitələri ilə müqayisədə daha yüksək qiymətə təklif olunur.
