Aysel Əlibəyli
24 İyul 2026 · 12:06
1098 baxış
“Azeri Light” markalı Azərbaycan neftinin qiyməti 109 dolları ötüb
Elpress.az xəbər verir ki, Dünya bazarında neftin qiymətində kəskin artım qeydə alınıb. “Azeri Light” markalı Azərbaycan neftinin İtaliyanın Auqusta limanında CIF bazasında bir barelinin qiyməti 8,54 ABŞ dolları bahalaşaraq 109,10 ABŞ dollarına yüksəlib. Ceyhan limanında isə eyni markalı neftin qiyməti 105,18 ABŞ dolları təşkil edib.
Mütəxəssislər bahalaşmanı Yaxın Şərqdə artan hərbi gərginlik, ABŞ-İran qarşıdurması, Qırmızı dənizdə tankerlərə hücumlar, Hörmüz boğazındakı təhlükəsizlik riskləri və Xəzər Boru Kəməri Konsorsiumunun Qara dəniz terminalında neft yükləməsini dayandırması ilə əlaqələndirirlər.
