UEFA əsas klub turnirlərinin 2028 və 2029-cu illərdəki finallarının keçiriləcəyi stadionları açıqlayıb
Elpress.az xəbər verir ki, UEFA 2028 və 2029-cu illərdə əsas klub turnirlərinin finallarına, həmçinin 2027 və 2028-ci illərdə Superkubok qarşılaşmalarına ev sahibliyi edəcək şəhər və stadionları müəyyənləşdirib.2028-ci ildə Çempionlar Liqasının finalı Münhendəki “Munich Football Arena”da, Avropa Liqasının finalı Buxarestdəki “National Arena”da, Konfrans Liqasının həlledici qarşılaşması isə Turindəki “Juventus Stadium”da keçiriləcək.2029-cu il Çempionlar Liqasının finalı Barselonadakı “Camp Nou” stadionunda təşkil olunacaq. Avropa Liqasının finalına Belqrad Milli Stadionu, Konfrans Liqasının finalına isə Budapeştdəki “Puşkaş Arena” ev sahibliyi edəcək.Superkubok qarşılaşmalarının məkanları da müəyyənləşib. 2027-ci il Superkuboku Amsterdamda “Johan Cruyff Arena”da, 2028-ci il Superkuboku isə Astanadakı “Astana Arena”da keçiriləcək.Qadınlar arasında Çempionlar Liqasının 2028-ci il finalının Lionda, 2029-cu il finalının isə Kardiffdə keçirilməsi planlaşdırılır.
