Naxçıvanın qadın voleybol komandası yeni mövsümdən “Naxçıvan” adı ilə çıxış edəcək
Elpress.az xəbər verir ki, Naxçıvanı qadın voleybolunda təmsil edən “Möminə Xatun” klubunun adı dəyişdirilib. Komanda bundan sonra yarışlarda “Naxçıvan” adı ilə çıxış edəcək.Klub rəhbərliyinin qərarı Naxçıvanda qadın və kişi voleybolunun inkişafı, gələcəkdə hər iki istiqamətin vahid klub bazasında birləşdirilməsi və idarəetmənin daha səmərəli təşkili məqsədilə qəbul olunub.Yeni adın seçilməsində Naxçıvanın idmanda daha geniş tanıdılması, regionda voleybolun kütləviliyinin artırılması və kişi-qadın komandalarının vahid idman brendi altında birləşdirilməsi əsas məqsədlərdən biri olub.Qərar klubun təsisçisi və rəhbərliyi tərəfindən qəbul edilib və Azərbaycan Voleybol Federasiyası tərəfindən razılaşdırılıb. Klub rəhbərliyi hesab edir ki, rebrendinq komandanın həm ölkə daxilində, həm də gələcəkdə beynəlxalq yarışlarda Naxçıvanın vahid idman brendi kimi tanınmasına töhfə verəcək.Bildirilib ki, yeni loqoda Naxçıvanın əsas simvollarından biri olan Möminə Xatun türbəsi və klubun ənənəvi rəngləri qorunacaq.“Naxçıvan” komandası cari mövsümdə tarixində ilk dəfə qadınların Yüksək Liqasında mübarizə aparacaq.
