İngiltərə millisinin 2026-cı il dünya çempionatının 1/4 finalında Norveçi əlavə vaxtda 2:1 hesabı ilə məğlub etməsindən sonra Böyük Britaniyada kütləvi iğtişaşlar baş verib.
Elpress.az xəbər verir ki, polis məlumatına əsasən, həftəsonu ərzində futbol qarşılaşmaları ilə əlaqəli 500-dən çox insident qeydə alınıb, 100-dən artıq şəxs saxlanılıb.
Məlumata görə, qarşılaşmanın keçirildiyi ABŞ-ın Mayami şəhərində bayram ab-havası hökm sürsə də, Böyük Britaniyada bəzi publarda iş saatlarının uzadılması gərginliyi daha da artırıb.
İngiltərə Futbol Polis Birliyinin (UKFPU) rəhbəri Mark Roberts yerli azarkeşlərin davranışını tənqid edərək, onları ABŞ-dakı futbolsevərlərin nizam-intizamından nümunə götürməyə çağırıb.
Bu arada, İngiltərənin Argentina ilə keçirəcəyi yarımfinal oyunu öncəsi təhlükəsizlik tədbirləri gücləndirilib. Matça ev sahibliyi edəcək Atlanta şəhərində polis əlavə qüvvələr cəlb edərək genişmiqyaslı təhlükəsizlik planını işə salıb.
