Kataloniya klubundan müdafiəyə güvən: Andreas Kristensen daha iki il “Barselona”da qalacaq
İspaniyanın “Barselona” klubu müdafiə xəttinin əsas oyunçularından biri olan Andreas Kristensenlə yeni müqavilə imzalayıb.Klubun rəsmi məlumatına əsasən, 30 yaşlı danimarkalı müdafiəçi daha iki mövsüm Kataloniya təmsilçisinin formasını geyinəcək. Yeni anlaşmaya əsasən, tərəflərdən hər biri 2027-ci ilin yayında müqaviləyə vaxtından əvvəl xitam vermək hüququna malik olacaq.Andreas Kristensen 2022-ci ildən “Barselona”nın heyətində çıxış edir. O, bu müddət ərzində komandanın heyətində 98 oyunda meydana çıxıb, 5 qol vurub və 3 məhsuldar ötürmə ilə yadda qalıb.Danimarkalı futbolçunun komandada saxlanılması “Barselona”nın müdafiə xəttində sabitliyi qorumaq planının bir hissəsi kimi qiymətləndirilir.
