Azərbaycan avrokubokların ilk iki təsnifat mərhələsində yüksək nəticə göstərib
Elpress.az xəbər verir ki, Azərbaycan klubları avrokubokların ilk iki təsnifat mərhələsində ölkə reytinqi baxımından uğurlu nəticə göstərib.Komandalarımız bu mərhələlərdə 9 qələbə qazanıb, 3 görüşü heç-heçə başa vurub və 2 qarşılaşmada məğlub olub. Nəticədə Azərbaycan UEFA reytinqinə bonuslar nəzərə alınmadan 2,625 xal əlavə edib.Bu göstərici ilə Azərbaycan yalnız Latviya ilə birlikdə ilk iki təsnifat mərhələsinin ən yüksək nəticə göstərən ölkələri arasında yer alıb. Bonus xalları da hesablandıqda isə Azərbaycan və Latviya mövsüm üzrə 6-7-ci pillələri bölüşür.Hazırda “Sabah” Çempionlar Liqasında mübarizəsini davam etdirir. “Qarabağ” Avropa Liqasından Konfrans Liqasına keçib. “Zirə” və “Neftçi” isə avrokuboklarda çıxışını başa vurub.
