Xəzər dənizinin Mərdəkan qəsəbəsi sahilində batan 4 nəfərdən 2-nin meyiti sudan çıxarılıb.
Fövqəladə Hallar Nazirliyinin məlumatına görə, dalğıc-xilasedicilərin apardığı axtarışlar nəticəsində 1991-ci il təvəllüdlü Əzimov Namiq İsabala oğlunun və 2005-ci il təvəllüdlü Əbdülov Elnur İsa oğlunun meyitləri tapılaraq aidiyyəti üzrə təhvil verilib.Hazırda digər iki şəxsin — 2003-cü il təvəllüdlü Məcidov Pərviz Zöhrab oğlunun və 2007-ci il təvəllüdlü Əbdülov Elmar İsa oğlunun axtarışları davam etdirilir.Qeyd edək ki, hadisə Bakı şəhəri, Xəzər rayonu, Mərdəkan qəsəbəsində ən yaxın xilasetmə məntəqəsindən 3 kilometr aralıda, nəzarətsiz dəniz ərazisində baş verib. Hadisə ilə bağlı FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarış işlərinə cəlb olunub.
