Güclü zəlzələ Kalidə binaların dağılmasına səbəb olub, dağıntılar altında qalanlar var
Elpress.az xəbər verir ki, Kolumbiyanın qərbində güclü zəlzələ baş verib. ABŞ Geoloji Xidmətinin məlumatına görə, yeraltı təkanların maqnitudası 7,4 olub.Zəlzələnin episentri Çoko departamentində yerləşən San-Xose-del-Palmar şəhəri yaxınlığında, paytaxt Boqotadan təxminən 280 kilometr məsafədə qeydə alınıb.İlkin mərhələdə ciddi dağıntı və tələfat barədə məlumat verilməsə də, sonradan zəlzələnin təsirləri ilə bağlı yeni məlumatlar açıqlanıb. Kali şəhərinin merinin bildirdiyinə görə, azı 20 bina dağılıb və bəzi insanların dağıntılar altında qaldığı ehtimal olunur.Xilasetmə və fövqəladə hallar xidmətləri dağıntılar altında qalan şəxslərin axtarışını davam etdirir.
Hadisə nəticəsində ölən və yaralananların sayı ilə bağlı məlumatların dəqiqləşdirildiyi bildirilir.
