Rinoplastika sonrası komaya düşən Nigarın həkimləri məhkum edildi
Elpress.az xəbər verir ki, Bakıda rinoplastika əməliyyatından sonra komaya düşən 34 yaşlı Nigar Budaqlının işi üzrə məhkəmə qərarı açıqlanıb.Məhkəmənin hökmü ilə lor-estetik cərrah Yaqub Əsədi və anestezioloq Cəmilə Əliyeva təqsirli bilinərək məntəqə tipli cəzaçəkmə müəssisəsində cəzalarını çəkməli olacaqlar.Mülki iddia da qismən təmin edilib. Təqsirləndirilən şəxslərin daha əvvəl ödədikləri məbləğlər nəzərə alınaraq Yaqub Əsədidən 14 min manat, Cəmilə Əliyevadan isə 61 min manat tutulmasına və zərərçəkənə ödənilməsinə qərar verilib.Qeyd edək ki, hadisə ötən ilin aprelində Bakıda yerləşən “MedAura” Klinikasında baş verib. Rinoplastika əməliyyatı keçirən Nigar Budaqlı bundan sonra komaya düşüb və ittihama əsasən, sağlamlığını itirərək yataq xəstəsi vəziyyətinə düşüb.Hadisədən sonra Nigar Budaqlının anası Nəsimi Rayon Prokurorluğuna müraciət edib və faktla bağlı araşdırma başlanıb. Həkimlərə Cinayət Məcəlləsinin 314.2-ci maddəsi ilə ittiham irəli sürülüb.
