Nizami rayonunda narkotiklərin qanunsuz dövriyyəsində şübhəli bilinən iki nəfər saxlanılıb
Elpress.az xəbər verir ki, Bakının Nizami rayonunda keçirilən əməliyyat zamanı 32 kiloqrama yaxın narkotik vasitə aşkarlanıb.Nizami Rayon Polis İdarəsinin 24-cü Polis Şöbəsinin əməkdaşlarının keçirdiyi tədbir nəticəsində narkotik vasitələrin qanunsuz dövriyyəsində şübhəli bilinən 33 yaşlı A.Aydınlı və 28 yaşlı H.Həsənov saxlanılıblar. Onların üzərindən və istifadəsində olan əşyalardan ümumilikdə 32 kiloqrama yaxın narkotik vasitə aşkar edilərək götürülüb.İlkin araşdırma zamanı müəyyən edilib ki, saxlanılan şəxslər narkotik vasitələri sosial şəbəkələr vasitəsilə tanış olduqları və şəxsiyyətləri istintaq tərəfindən araşdırılan xarici ölkə vətəndaşlarından əldə ediblər.Onların narkotik vasitələri paytaxt ərazisində yaymaq məqsədilə müxtəlif ünvanlara çatdırmağı planlaşdırdıqları bildirilir.Faktla bağlı araşdırma davam etdirilir.
