Ali məktəblərə qəbul imtahanlarının nəticələri açıqlanandan sonra abituriyentləri maraqlandıran əsas suallardan biri də hansı ixtisaslarda keçid ballarının yüksələcəyi, hansılarda isə aşağı düşəcəyi ilə bağlıdır.
Elpress.az-ın Milli.az-a istinadən verdiyi məlumata əsasən, Artıq 2-ci və 3-cü qruplar üzrə keçirilən imtahanların nəticələri elan olunub. İmtahanda iştirakını təsdiqləyən ərizəsini təsdiq etmiş 56 847 abituriyentdən 2429 nəfərin imtahanda iştirak etmədiyi bildirilib. Bununla da ali təhsil müəssisələrinə qəbul imtahanlarında iştirak mərhələsi yekunlaşıb.Təhsil eksperti Elçin Əfəndi bildirib ki, nəticələrdən görünür ki, bir çox abituriyent gözlədiyi göstəricini əldə edə bilməyib. Onun sözlərinə görə, 200-400 bal aralığında olan ixtisaslarda rəqabətin daha yüksək olacağı gözlənilir, 500 baldan yuxarı ixtisaslarda isə keçid ballarında müəyyən enmə müşahidə oluna bilər.Ekspert qeyd edib ki, 2-ci qrup üzrə maliyyə, iqtisadiyyat və tədrisi ingilis dilində olan bəzi ixtisaslarda bal artımı ehtimal olunur. Bununla yanaşı, marketinq, turizm və statistika ixtisaslarında keçid ballarının aşağı düşməsi mümkündür.3-cü qrup üzrə isə politologiya, xarici dil, hüquqşünaslıq və müəllimlik ixtisaslarında balların yüksələ biləcəyi proqnozlaşdırılır.
