Sosial şəbəkələrdə uşaqlar üçün yeni qaydalar: Tələbləri pozan platformalar 50 min manatadək cərimələnəcək
Elpress.az xəbər verir ki, Azərbaycanda uşaqların sosial şəbəkələrdə qeydiyyatı və yaş məhdudiyyəti tətbiq ediləcək platformalarla bağlı yeni cərimələr müəyyənləşib. Prezident İlham Əliyevin təsdiqlədiyi dəyişikliklərə əsasən, müəyyən olunmuş tələbləri pozan sosial şəbəkə platformaları 50 min manatadək cərimə oluna bilər. Qaydalara əməl etməyən vəzifəli şəxslər üçün cərimələr 6 min manatdan 10 min manatadək, hüquqi şəxslər üçün isə 15 min manatdan 50 min manatadək nəzərdə tutulub.Yeni qanun rəsmi dərc edildiyi tarixdən 12 ay sonra qüvvəyə minəcək. Bu müddət ərzində — 5 ay ərzində Rəqəmsal İnkişaf və Nəqliyyat Nazirliyi yaş məhdudiyyəti tətbiq olunacaq sosial şəbəkələrin tam siyahısını hazırlayıb təqdim etməlidir.
