Bakıda 32, Azərbaycanın bəzi rayonlarında isə 35 dərəcəyədək isti hava gözlənilir
Elpress.az xəbər verir ki, Sentyabrın 5-də Azərbaycanda əsasən yağmursuz hava şəraitinin hökm sürəcəyi gözlənilir. Bununla belə, bəzi ərazilərdə qısamüddətli yağış ehtimalı var.Bakıda və Abşeron yarımadasında hava dəyişkən buludlu olacaq. Gün ərzində bəzi yerlərdə qısamüddətli yağış yağa bilər. Cənub-şərq küləyinin axşam saatlarında arabir güclənən şimal-qərb küləyi ilə əvəzlənəcəyi bildirilir. Paytaxt və yarımadada gecə temperaturu 18–21, gündüz isə 28–32 dərəcə isti olacaq.Bölgələrdə də havanın əsasən yağmursuz keçəcəyi gözlənilir. Günün ikinci yarısında bəzi dağlıq ərazilərdə yağış, ayrı-ayrı yerlərdə leysan, şimşək və dolu ehtimalı var. Gecə və səhər saatlarında dağlıq ərazilərdə duman müşahidə oluna bilər.Rayonlarda temperaturun gecə 16–21, gündüz 30–35 dərəcə isti olacağı proqnozlaşdırılır. Dağlıq ərazilərdə isə gecə 11–16, gündüz 20–25 dərəcə isti olacaq.
