Test imtahanı Bakıdakı Elektron imtahanlar korpusunda təşkil olunacaq
Elpress.az xəbər verir ki, Prokurorluq orqanlarında qulluğa qəbul üzrə cari ildə elan edilmiş müsabiqənin test imtahanının vaxtı müəyyənləşib.Sənədləri qəbul edilmiş namizədlər üçün imtahan oktyabrın 9-da saat 10:00-dan etibarən keçiriləcək. Test imtahanının müddəti 3 saat olacaq.İmtahan Dövlət İmtahan Mərkəzinin Bakı şəhəri, Binəqədi rayonu, S.S. Axundov küçəsi 108 ünvanında yerləşən Elektron imtahanlar korpusunda təşkil ediləcək.Namizədlər buraxılış prosedurunun vaxtında həyata keçirilməsi üçün imtahana ən azı 1 saat əvvəl gəlməli, “İmtahana buraxılış vərəqəsi” və şəxsiyyət vəsiqəsinin əslini təqdim etməlidirlər. İmtahan elektron formada, kompüter vasitəsilə keçiriləcək.Test başa çatdıqdan sonra hər bir iştirakçıya nəticəsi barədə məlumat-arayış təqdim olunacaq. Sənəd həmçinin namizədin şəxsi kabinetinə yüklənəcək.Qeyd edək ki, test imtahanının ödənişli keçirilməsi nəzərdə tutulub.
