Aysel Əlibəyli
07 Sentyabr 2026 · 17:02
1066 baxış
Bir sıra rayonlarda leysan yağır, şimşək çaxır və güclü külək əsir
Elpress.az xəbər verir ki, Azərbaycanın bir sıra ərazilərində hava şəraiti dəyişib, yağış və külək müşahidə olunur. Ayrı-ayrı bölgələrdə yağıntılar leysan xarakteri daşıyır.Şimal-qərb küləyinin sürəti bəzi ərazilərdə saniyədə 20 metrdən çox olub. Ən güclü külək Naftalan və Gəncə şəhərlərində qeydə alınıb – burada küləyin maksimal sürəti saniyədə 28 metrədək yüksəlib. Goranboyda 27, Mingəçevir və Ağstafada 25, Tovuzda 24, Bakı və Abşeron yarımadasında isə 23 metr/saniyəyə çatıb.Hazırda Quba, Qusar, Xızı, Göygöl, Gəncə və Tərtər ərazilərində yağış yağır, bəzi yerlərdə isə şimşək çaxır.
