Aysel Əlibəyli
07 Sentyabr 2026 · 10:46
1060 baxış
Elpress.az xəbər verir ki, Bakı Metropoliteninin “İnşaatçılar”, “Nizami” və “28 May” stansiyaları arasında hərəkət edən M2 ekspres avtobus marşrutunda ikinci validator quraşdırılıb.
Yeni validator sərnişinlərin avtobusa minmə prosesini sürətləndirmək və dayanacaqlarda gözləmə müddətini azaltmaq məqsədi daşıyır.Bununla sərnişinlər eyni vaxtda avtobusun həm ön, həm də orta qapısından salona daxil olaraq gediş haqqını ödəyə biləcəklər.
Qeyd edək ki, daha əvvəl M1 ekspres marşrutunda da sərnişinlərin rahatlığı üçün ikinci validator istifadəyə verilib.
