Səhiyyə Nazirliyi xəstəxana layihələrində enerji səmərəliliyi və beynəlxalq standartları nəzərə alır
Elpress.az xəbər verir ki, İşğaldan azad edilmiş ərazilərdə yeni xəstəxanaların layihələndirilməsi istiqamətində işlər davam etdirilir.Səhiyyə Nazirliyinin rəsmisi Cabir Muradov bildirib ki, Böyük Qayıdış proqramına uyğun olaraq xəstəxanaların layihələndirilməsi nazirlik tərəfindən həyata keçirilir. Onun sözlərinə görə, layihələr hazırlanarkən Azərbaycan qanunvericiliyi ilə yanaşı, Ümumdünya Səhiyyə Təşkilatının standartları da nəzərə alınır.Nazirlik rəsmisi xəstəxana binalarında enerji səmərəliliyi ilə bağlı tələblərin tətbiqi, eləcə də tikintidə istifadə ediləcək izolyasiya materiallarının hansı standartlara uyğun olması məsələlərinin də diqqətdə saxlanıldığını qeyd edib.Energetika Nazirliyinin rəsmisi Cahid Mikayılov isə bildirib ki, binalarda enerji effektivliyi pasportu ilə bağlı tələb 1 yanvar 2027-ci ildən qüvvəyə minəcək. Onun sözlərinə görə, həmin tarixədək mövcud norma və standartlar əsasında tikinti davam etdiriləcək, standartlar yeniləndikcə tələblər də dəyişə bilər.
