Bakı və Abşeronda temperatur 36, bölgələrdə isə 40 dərəcəyə yüksələcək
Elpress.az xəbər verir ki, Avqustun 23-də Azərbaycanda hava şəraitinin əsasən yağmursuz keçəcəyi gözlənilir.Milli Hidrometeorologiya Xidmətinin məlumatına görə, Bakıda və Abşeron yarımadasında mülayim cənub-şərq küləyi əsəcək. Havanın temperaturu gecə 23-26, gündüz isə 31-36 dərəcə isti olacaq. Atmosfer təzyiqinin 758 millimetr civə sütunu təşkil edəcəyi, nisbi rütubətin gecə 70-75, gündüz 55-60 faiz arasında dəyişəcəyi bildirilir.Ölkənin rayonlarında da əsasən yağmursuz hava şəraiti proqnozlaşdırılır. Gecə və səhər bəzi dağlıq ərazilərdə arabir duman müşahidə oluna bilər. Rayonlarda şərq küləyinin əsəcəyi gözlənilir.Havanın temperaturu gecə 22-27, gündüz 35-38 dərəcə isti olacaq. Bəzi ərazilərdə temperaturun 40 dərəcəyədək yüksələcəyi proqnozlaşdırılır. Dağlıq rayonlarda isə gecə 13-18, gündüz 23-28 dərəcə isti gözlənilir.
