Aysel Əlibəyli
28 Sentyabr 2026 · 14:35
1129 baxış
Tula və Voronej vilayətlərindəki obyektlərin hədəfə alındığı bildirilir
Elpress.az xəbər verir ki, Ukrayna Silahlı Qüvvələrinin Rusiya ərazisində bir sıra müdafiə və neft infrastrukturu obyektlərinə uzaqmənzilli zərbələr endirdiyi açıqlanıb.Ukrayna Prezidenti Volodimir Zelenski bildirib ki, gecə saatlarında Tula və Voronej vilayətlərində yerləşən iki müdafiə zavodu hədəfə alınıb.Zelenskinin sözlərinə görə, Ukrayna Təhlükəsizlik Xidməti Krasnodar diyarında neft infrastrukturu obyektinə də zərbə endirib.Bundan əlavə, Kaluqa və Oryol vilayətlərində pilotsuz uçuş aparatlarının istifadəsi ilə əlaqəli obyektlərin, Bryansk vilayətində Rusiya hərbçilərinin yerləşdiyi ərazinin və Qara dənizdəki bir hədəfin vurulduğu bildirilib.
