Kiyev Rusiyanın da analoji öhdəlik götürəcəyi təqdirdə razılaşmaya hazır olduğunu açıqlayıb
Elpress.az xəbər verir ki, Ukrayna Rusiya ilə kritik infrastruktura qarşı zərbələrin dayandırılması barədə razılaşma əldə etməyə hazırdır.Ukrayna Prezidenti Volodimir Zelenski bildirib ki, belə bir razılaşmanın mümkün olması üçün tərəfdaş ölkələr Rusiyanın öhdəliklərə əməl etməsinə təminat verməlidir.Zelenskinin sözlərinə görə, ərzaq, enerji və insanların normal həyat fəaliyyəti üçün vacib olan digər infrastruktur obyektləri hücumlardan qorunmalıdır.O qeyd edib ki, Rusiya hər gün Ukraynanın enerji obyektlərini, limanlarını, logistika mərkəzlərini, həmçinin ərzaq və dərman anbarlarını hədəfə alır.Prezident vurğulayıb ki, tərəfdaşlar Rusiyanın Ukraynanın enerji və digər kritik infrastrukturu ilə yanaşı, ərzaq daşımalarına zərbələr endirməməsini təmin edərsə, Kiyev də qarşılığında öz zərbələrini dayandırmağa hazırdır.Zelenski razılaşmanın etibarlı və uzunmüddətli mexanizmə əsaslanmalı, insanların həyatına real təsir göstərməli olduğunu bildirib. Onun sözlərinə görə, kritik infrastruktura zərbələrin dayandırılması müharibənin sona çatdırılması istiqamətində ilk addım ola bilər.
