Aysel Əlibəyli
19 Avqust 2026 · 14:11
1054 baxış
Əsir mübadiləsi BƏƏ-nin vasitəçiliyi ilə həyata keçirilib
Elpress.az xəbər verir ki, Rusiya və Ukrayna arasında növbəti hərbi əsir mübadiləsi baş tutub.Rusiya Müdafiə Nazirliyinin yaydığı məlumata görə, mübadilə “103-ün 103-ə” prinsipi əsasında həyata keçirilib. Belə ki, tərəflərin hər birindən 103 hərbi qulluqçu qarşı tərəfə təhvil verilib.Mübadilənin Birləşmiş Ərəb Əmirliklərinin vasitəçiliyi ilə reallaşdırıldığı bildirilib.Məlumata əsasən, azad edilən rusiyalı hərbçilər hazırda Belarus ərazisindədir. Onlara zəruri tibbi və psixoloji yardım göstərilir. Müvafiq prosedurlar başa çatdıqdan sonra onların Rusiyaya aparılacağı qeyd olunub.
