Avropadakı 25-40 minədək amerikalı hərbçinin bölgədən çıxarılması müzakirə olunur
Elpress.az xəbər verir ki, ABŞ Müdafiə Nazirliyi Avropadakı Amerika hərbi kontingentinin əhəmiyyətli hissəsinin bölgədən çıxarılmasını nəzərdə tutan planı nəzərdən keçirir.Müzakirə olunan variantlara ABŞ-ın Avropadakı hərbi təyyarələri, gəmiləri, silah sistemləri və on minlərlə hərbçisinin geri çəkilməsi daxildir.Məsələ ilə bağlı müzakirələrdən xəbərdar mənbələrin bildirdiyinə görə, Avropadakı ABŞ hərbi kontingentinin təxminən üçdə biri, yəni 25 minə yaxın hərbçinin çıxarılması mümkündür. Digər mənbələr isə ixtisarın kontingentin yarısına qədər, təxminən 40 min hərbçini əhatə edə biləcəyini bildiriblər.Planın reallaşacağı təqdirdə, bunun ABŞ-ın Soyuq müharibədən sonra Avropadakı hərbi mövcudluğunda ən böyük ixtisarlardan biri olacağı qeyd edilir. Hazırda bölgədə ABŞ-ın təxminən 80 min hərbçisi olduğu bildirilir.Məsələ NATO müttəfiqlərinin Rusiyadan qaynaqlanan təhlükələrlə bağlı xəbərdarlıqları fonunda müzakirə olunur.
