Elpress.az xəbər verir ki, Ermənistanın Baş naziri Nikol Paşinyan Rusiya Prezidenti Vladimir Putinlə planlaşdırılan görüş zamanı Ermənistan dəmir yollarının konsessiyaya verilməsi məsələsini müzakirə etməyi nəzərdə tutur.
Paşinyan bu barədə “BoonTV” portalına müsahibəsində danışıb.
Baş nazir bildirib ki, qarşıdakı görüşdə tərəflər müxtəlif məsələləri və onların qarşılıqlı məqbul həll yollarını nəzərdən keçirəcəklər. Onun sözlərinə görə, dəmir yolu məsələsi gündəlikdəki əsas mövzulardan biri olacaq.
Daha əvvəl Rusiya Prezidentinin mətbuat katibi Dmitri Peskov Paşinyanın yaxın vaxtlarda Moskvaya səfər edəcəyini açıqlayıb. Peskovun sözlərinə görə, Ermənistan Baş naziri Vladimir Putin tərəfindən Rusiyaya görüş üçün dəvət olunub.
Səfərin konkret tarixinin isə hər iki tərəfin iş qrafiki nəzərə alınmaqla müəyyənləşdiriləcəyi bildirilib.
