Ermənistanın Baş naziri Nikol Paşinyan Avrasiya İqtisadi İttifaqının (Aİİ) fəaliyyəti ilə bağlı narazılığını ifadə edərək, təşkilatın gələcəyinə dair ciddi xəbərdarlıq səsləndirib.
Elpress.az xəbər verir ki, Paşinyan jurnalistlərə açıqlamasında Rusiya tərəfindən erməni mallarına tətbiq olunan məhdudiyyətlərin aradan qaldırılmamasının Aİİ üçün mənfi nəticələr doğura biləcəyini bildirib.
Onun sözlərinə görə, hazırda Avrasiya İqtisadi İttifaqının fəaliyyəti normal şəkildə davam etmir və birlik faktiki olaraq ciddi çətinliklərlə üzləşib.Baş nazir qeyd edib ki, Ermənistanın Aİİ-dən çıxmaq planı yoxdur.
Bununla yanaşı, ölkənin alternativ əməkdaşlıq istiqamətlərini inkişaf etdirmək hüququna malik olduğunu vurğulayıb.
Paşinyan bildirib ki, bu mövqeyini Rusiya Prezidenti Vladimir Putinə də çatdırıb və Ermənistanın gələcəkdə alternativ imkanlarını genişləndirmək istiqamətində fəaliyyətini davam etdirəcəyini qeyd edib.
