Aysel Əlibəyli
23 İyun 2026 · 13:42
8 baxış
İrakli Kobaxidze Avropa Şurası Parlament Assambleyasını (AŞPA) sərt tənqid edərək bildirib ki, qurum “özünü tamamilə dəyərsizləşdirib” və qəbul etdiyi qətnamələr Gürcüstan cəmiyyəti üçün artıq heç bir əhəmiyyət daşımır.
Baş nazir jurnalistlərə açıqlamasında AŞPA-nın Gürcüstanla bağlı hazırladığı sənədləri “ədalətsiz və absurd” adlandırıb, ölkəsinin isə regionda “aparıcı demokratik dövlət” olduğunu vurğulayıb. Onun sözlərinə görə, bu tip qətnamələr real vəziyyəti əks etdirmir və ictimaiyyət tərəfindən ciddi qəbul olunmur.Avropa Şurası Parlament Assambleyası isə yaxın günlərdə Gürcüstanla bağlı yeni hesabatı müzakirə etməyə hazırlaşır. Sənəddə ölkədə demokratik geriləmə, müxalifətə və vətəndaş cəmiyyətinə təzyiqlərlə bağlı iddialar yer alır.
