HƏMAS-ın Siyasi Bürosunun yeni rəhbəri Xəlil əl-Həyyə ilk çıxışında bütün Fələstin siyasi qruplarını milli birlik və dialoqa çağırıb.
Elpress.az xəbər verir ki, o, Fələstin xalqının birliyinin təmin edilməsinin hərəkatın əsas prioritetlərindən biri olduğunu bildirib.
Xəlil əl-Həyyə qeyd edib ki, Qəzza zolağında qan tökülməsinin dayandırılması, bölgədə normal həyatın bərpası və əhalinin məcburi köçünün qarşısının alınması əsas məqsədlər sırasındadır.
Yeni rəhbər, həmçinin Fələstinin milli institutlarının, xüsusilə Fələstin Azadlıq Təşkilatının demokratik əsaslarla yenidən qurulması üçün milli dialoqun başlanmasının vacibliyini vurğulayıb.O, çıxışının sonunda beynəlxalq ictimaiyyəti və BMT-ni Qəzza zolağında mülki əhalinin müdafiəsinin təmin edilməsi istiqamətində daha fəal addımlar atmağa çağırıb.
Qeyd edək ki, Xəlil əl-Həyyə iyulun 20-də HƏMAS-ın Siyasi Bürosunun rəhbəri seçilib.
