Budapeştdə çayın dibində aşkarlanan aviasiya bombası güclü axının təsiri ilə yerini dəyişib
Elpress.az xəbər verir ki, Macarıstanın paytaxtı Budapeştdə Dunay çayında İkinci Dünya müharibəsi dövrünə aid partlamamış bomba ilə bağlı hadisə baş verib.Çayın Budapeşt ərazisindən keçən hissəsində dalğıclar tərəfindən aşkarlanan aviasiya bombasının təhlükəsiz şəkildə sudan çıxarılması planlaşdırılıb. Lakin sonradan suyun səviyyəsindəki dəyişiklik və güclü axın səbəbindən partlayıcı qurğu əvvəl müəyyən edildiyi yerdə tapılmayıb.Bununla əlaqədar aidiyyəti qurumlar bombanın yerinin müəyyənləşdirilməsi üçün axtarışlara başlayıblar.Budapeştdə İkinci Dünya müharibəsindən qalan partlamamış hərbi sursatların aşkarlanması zaman-zaman baş verir. Mütəxəssislər belə hallarda təhlükəsizlik qaydalarına ciddi əməl edilməsinin vacibliyini vurğulayırlar.
