“Hungry Hungry Hippos” oyununda inanılmaz rekord: Raş ailəsi oyunu 3,75 saniyəyə bitirərək Ginnesin Rekordlar Kitabına düşdü
Elpress.az xəbər verir ki, Devid Raş, həyat yoldaşı Cenifer və oğulları Ceremi ilə Peter “Hungry Hungry Hippos” stolüstü oyununu cəmi 3,75 saniyəyə tamamlayaraq yeni dünya rekorduna imza atıblar. Onlar əvvəlki 4,833 saniyəlik göstəricini geridə qoyaraq “Ginnesin Rekordlar Kitabı” tərəfindən rəsmən təsdiqləniblər. Ciddi qaydalara əsasən, iştirakçılar oyun boyu begemot fiqurlarını yalnız bir barmaqla hərəkət etdirməli və topların masadan kənara düşməsinə yol verməməli idilər.Bu uğur Devid Raş üçün də xüsusi əhəmiyyət daşıyır. Belə ki, bu nəticə ilə onun eyni anda sahib olduğu aktiv “Ginnes” rekordlarının sayı 200-ə yüksəlib və o, tarixdə eyni vaxtda 200 aktiv rekorda sahib olan üçüncü şəxs olub.
