ABŞ hərbi bazalarının yerləşdiyi ərazilərlə bağlı məlumatların üçüncü tərəflərə ötürülməsi ehtimalı yenidən müzakirə mövzusuna çevrilib.
Elpress.az xəbər verir ki, xarici mediada yayılan məlumatlara görə, mobil cihazlardan əldə edilən geolokasiya məlumatlarının müxtəlif data brokerləri vasitəsilə alınıb-satılması təhlükəsizlik risklərini artırır.
Bildirilir ki, bu cür məlumatlar vasitəsilə insanların yerləşdiyi məkanlar müəyyən edilə bilər və həmin informasiyalara çıxışı olan şəxslərin dairəsi kifayət qədər genişdir.Məlumatlarda qeyd olunur ki, bir müddət əvvəl Reuters agentliyi ABŞ hərbi rəhbərliyinin Yaxın Şərqdə xidmət edən bəzi hərbçilərdən mobil telefonlarını təhvil verməsini nəzərdən keçirdiyini yazmışdı.İddialara əsasən, hərbçilərin mobil telefonlarla çəkdikləri görüntülərin sosial şəbəkələrdə paylaşılması hərbi obyektlərin yerləşdiyi məkanların müəyyən edilməsinə və onların təhlükəsizliyi ilə bağlı əlavə risklərin yaranmasına səbəb ola bilər.
Qeyd edək ki, səsləndirilən məlumatlar xarici media orqanlarının iddialarına əsaslanır və bununla bağlı rəsmi qurumlar tərəfindən əlavə təsdiqedici açıqlama verilməyib.
