Elpress.az xəbər verir ki, Azərbaycanda şagirdlərin oxuduğunu anlama bacarığı ilə bağlı ciddi pedaqoji problem müşahidə olunur.
Elm və təhsil naziri Emin Əmrullayev PISA 2025 nəticələrinin təqdimatı zamanı bildirib ki, xüsusilə Bakı üzrə oxu savadlılığı göstəricilərində geriləmə qeydə alınıb.Nazirin sözlərinə görə, məsələ yalnız Azərbaycan üçün deyil, region üçün də xarakterikdir. O qeyd edib ki, nəticələrin yaxın illərdə 500 bala çatdırılması real görünməsə də, 2033-cü ilədək bu göstəriciyə nail olmaq mümkündür.Emin Əmrullayev diqqətə çatdırıb ki, PISA araşdırmalarının nəticələrinə əsasən, Azərbaycanda üç nəfərdən təxminən ikisi oxuduğunu tam anlamır.Nazir problemin həlli üçün müəllimlərin seçimi və sertifikatlaşdırılması prosesində oxu bacarıqlarına daha çox diqqət yetirilməsinin vacibliyini vurğulayıb.
Onun fikrincə, yalnız qrammatika və dil qaydalarını yoxlayan suallarla bu istiqamətdə ciddi dəyişiklik əldə etmək mümkün deyil.
