Azərbaycan Respublikasının Prezidenti İlham Əliyev avqustun 10-da Litva Respublikasının Baş naziri Mindaugas Sinkeviçyusla telefon danışığı aparıb.
Elpress.az xəbər verir ki, telefon söhbəti zamanı Azərbaycan ilə Litva arasında ikitərəfli əlaqələrin inkişafında müşahidə olunan müsbət dinamika məmnunluqla qeyd edilib. Bu xüsusda Litvanın sabiq Baş naziri İnqa Ruginienenin cari ilin aprel ayında Azərbaycana səfəri və Prezident İlham Əliyevlə keçirdiyi müzakirələr xatırlanıb.Dövlət başçısı Mindaugas Sinkeviçyusu Baş nazir vəzifəsinə seçilməsi münasibətilə təbrik edib.Mindaugas Sinkeviçyus təbriklərə görə təşəkkürünü bildirərək, Baş nazir kimi Azərbaycan-Litva ikitərəfli əlaqələrinin inkişafını daim diqqətdə saxlayacağını vurğulayıb.Telefon danışığı zamanı Azərbaycan və Litva arasında enerji sahəsində əməkdaşlıq, xüsusilə enerji təhlükəsizliyinin təmin olunması və ticarət dövriyyəsinin artırılması məsələləri də müzakirə edilib.
Həmçinin Litvanın Baş naziri Vaşinqton Sülh Sammiti və burada əldə olunmuş razılaşmaların ildönümü münasibətilə Prezident İlham Əliyevə təbriklərini çatdırıb.Tərəflər Azərbaycan-Avropa İttifaqı əlaqələrinə dair fikir mübadiləsi aparıb, son dövrlərdə həyata keçirilmiş yüksək səviyyəli təmasların əməkdaşlığın inkişafına mühüm töhfə verdiyini qeyd ediblər.
Telefon söhbəti zamanı beynəlxalq gündəmdəki aktual məsələlər ətrafında da fikir mübadiləsi aparılıb.
