Toni MakKormakın rəhbərlik etdiyi İrlandiya parlament nümayəndə heyəti Xankəndi şəhərinə səfər edib.
ELPress.az-ın Yeniçağ.az-a istinadən verdiyi məlumata görə, qonaqlara şəhərdə aparılan bərpa və yenidənqurma işləri barədə geniş məlumat verilib və işğaldan azad edilmiş digər ərazilərdə olduğu kimi, burada da böyük tikinti layihələrinin icra edildiyi bildirilib.
Nümayəndə heyəti həyata keçirilən infrastruktur layihələri, yaşayış binaları və sosial obyektlərin tikintisi ilə yerində tanış olub, şəhərin inkişaf perspektivlərini müzakirə edib.
Səfər proqramı çərçivəsində qonaqlar həmçinin Şuşa şəhərini də ziyarət ediblər.
