Almaniyanın keçmiş kansleri Angela Merkel üçün aylarla davam edən məxfi yaradıcılıq prosesi nəticəsində hazırlanan yeni portret ilk dəfə ictimaiyyətə nümayiş etdirilib.
Elpress.az-ın Kulis.az-a istinadən verdiyi məlumata əsasən, Almaniyanın sabiq kansleri Angela Merkelin uzun müddət gizli saxlanılan yeni portreti ictimaiyyətə təqdim edilib. Aylarla davam edən xüsusi yaradıcılıq prosesi nəticəsində ərsəyə gələn əsər incəsənət və siyasi dairələrdə böyük maraq doğurub.Portretin müəllifi cəmi 28 yaşlı fransız-alman rəssamı Jeremi Keyrasdır. Məlumata görə, rəssam və 71 yaşlı Angela Merkel əsərin hazırlanması müddətində Berlinin hökumət məhəlləsində yerləşən studiyada mütəmadi olaraq gizli görüşlər keçiriblər. Seanslar zamanı onlar müxtəlif mövzularda söhbətlər edib, bəzən səssizliyə qərq olub, bəzən isə növbə ilə seçdikləri klassik musiqi əsərlərini dinləyiblər.Angela Merkel bu yaradıcı prosesi “kiçik macəra” kimi qiymətləndirib. Məhz həmin aylarla davam edən görüşlərin nəticəsində hazırlanan tablo bu həftə Berlinin məşhur neobarokko üslublu Bode Muzeyində ailə üzvləri, yaxın dostları və incəsənət tənqidçilərinin iştirakı ilə ilk dəfə nümayiş olunub.Portret həm bədii üslubu, həm də hazırlanma prosesi ilə diqqət çəkərək ziyarətçilərin və sənətsevərlərin marağına səbəb olub.
