Aysel Əlibəyli
06 Avqust 2026 · 12:04
1018 baxış
Rusiyadan Ermənistana Azərbaycandan tranzit keçməklə növbəti buğda tədarükü həyata keçirilib.
Elpress.az xəbər verir ki, çəkisi 979 ton olan 14 vaqondan ibarət buğda yükü Biləcəri dəmir yolu stansiyasından yola salınıb.Məlumata görə, indiyədək Rusiyadan Ermənistana Azərbaycan ərazisi ilə tranzit daşımalar çərçivəsində 36 min tondan çox taxıl, 9 min tona yaxın gübrə, 1136 ton propan, 133 ton alüminium, 414 ton antrasit və 67 min ton taxta materialları göndərilib.
Bununla yanaşı, Azərbaycandan Ermənistana indiyədək 15 min tona yaxın dizel yanacağı, eləcə də 5 min tona yaxın Aİ-92 və Aİ-95 markalı benzin ixrac edilib.
