Aysel Əlibəyli
22 İyun 2026 · 15:51
1110 baxış
Bakı şəhəri, Xəzər rayonu, Mərdəkan qəsəbəsində dənizdə batan 4 nəfərdən ikisinin qardaş olduğu məlum olub.
Hadisə zamanı həyatını itirən şəxslərdən 2005-ci il təvəllüdlü Elnur Əbdülov və 2007-ci il təvəllüdlü Elmar Əbdülov qardaş olublar.Fövqəladə Hallar Nazirliyinin məlumatına görə, Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri tərəfindən Elnur Əbdülovun meyiti tapılaraq aidiyyəti üzrə təhvil verilib. Elmar Əbdülovun axtarışları isə davam etdirilir.Qeyd edək ki, hadisə nəticəsində batan digər şəxslərdən 1991-ci il təvəllüdlü Namiq Əzimovun da meyiti sudan çıxarılıb. 2003-cü il təvəllüdlü Pərviz Məcidovun axtarış-xilasetmə işləri davam etdirilir.
