Meşədə meyitləri tapılan 29 yaşlı oğlan və 16 yaşlı qızla bağlı istintaq başlayıb
Elpress.az xəbər verir ki, Lənkəran rayonunda meşəlik ərazidə iki şəxsin meyitinin aşkarlanması ilə bağlı cinayət işi başlanıb.Hadisə avqustun 11-də Haftoni kəndi yaxınlığındakı meşəlik ərazidə qeydə alınıb. Araşdırmalar zamanı meyitlərin 1997-ci il təvəllüdlü Xəzər Vurğun oğlu Mirzəyev və 2010-cu il təvəllüdlü Fidan Şahid qızı Məmmədovaya məxsus olduğu müəyyənləşdirilib.Faktla bağlı Lənkəran Rayon Prokurorluğunda Cinayət Məcəlləsinin 125-ci maddəsi ilə cinayət işi başlanıb və ibtidai istintaq aparılır.Hazırda şəxslərin ölüm səbəbləri və hadisənin başvermə şəraiti araşdırılır. Müvafiq ekspertizalar təyin edilib, hüquq-mühafizə orqanlarının əməkdaşları ilə birgə istintaq və əməliyyat-axtarış tədbirləri davam etdirilir.
