PSJ-nin Çempionlar Liqasının finalında “Arsenal” üzərində qələbəsindən sonra Fransada baş verən iğtişaşlarda polis fanatlara qarşı sərt tədbirlər görüb.
Reuters-in yaydığı məlumata görə, Paris və digər şəhərlərdə baş verən iğtişaşların qarşısını almaq məqsədilə təhlükəsizlik qüvvələri gözyaşardıcı qazdan istifadə edib. Bir sıra ərazilərdə izdiham dağıdılıb, küçələrə əlavə polis qüvvələri cəlb olunub. Hüquq-mühafizə orqanları yandırılan avtomobillər, mağazalara vurulan ziyan, polisə atılan fişənglər və qurulan barrikadalarla bağlı müdaxilə tədbirləri həyata keçirib.Məlumatda qeyd olunur ki, Fransa hakimiyyəti hadisələrdən öncə genişmiqyaslı təhlükəsizlik planını işə salmışdı. Paris və ətraf bölgələrdə təxminən 22 min polis və təhlükəsizlik əməkdaşı xidmətə cəlb edilib. Buna baxmayaraq, bəzi qruplar mağazalara zərər vurub, nəqliyyat vasitələrini yandırıb və polis bölmələrindən birinə daxil olmağa cəhd göstərib.
