Bakıda qanunsuz onlayn mərc və kazino oyunları təşkil edən şəxslər saxlanılıb
Elpress.az xəbər verir ki, Azərbaycanda qanunsuz onlayn mərc və kazino oyunlarının təşkilində şübhəli bilinən şəxslərə qarşı əməliyyat keçirilib.Daxili İşlər Nazirliyinin Kibercinayətkarlıqla Mübarizə Baş İdarəsinin apardığı araşdırma nəticəsində “Xbet” və “MostBet” platformaları üzərindən vətəndaşların qanunsuz mərc oyunlarına cəlb edildiyi müəyyənləşdirilib.İstintaqın məlumatına görə, Zaur və Fuad Nərimanov qardaşları “Telegram” platformasında “AzeCash” adlı səhifə yaradaraq bu fəaliyyətin təşkilində iştirak ediblər. Onların paytaxtın Xətai rayonunda icarəyə götürdükləri mənzildə əməkdaşları yerləşdirərək fəaliyyət üçün texniki avadanlıq, bank kartları və mobil telefonlarla təmin etdikləri bildirilir.Əməliyyatın davamında Orxan Hüseynov, Zaur Şirinov və Emin Məmmədov da saxlanılıb. Araşdırmalar zamanı qrupun qanunsuz mərc və qumar fəaliyyətindən əldə etdiyi vəsaitləri müxtəlif yollarla leqallaşdırdığı və ümumi maliyyə dövriyyəsinin 10 milyon manata çatdığı müəyyən edilib.Faktla bağlı cinayət işi başlanıb, saxlanılan şəxslərə ittihamlar irəli sürülüb. Məhkəmə qərarları ilə onların barəsində müxtəlif qətimkan tədbirləri seçilib.DİN vətəndaşları internet və sosial şəbəkələrdə təklif olunan qanunsuz mərc platformalarından istifadə etməməyə çağırıb.
