Aysel Əlibəyli
12 Avqust 2026 · 13:44
1032 baxış
Xudat istiqamətində Azərbaycan-Rusiya sərhədini pozmağa çalışan iki nəfər saxlanılıb
Elpress.az xəbər verir ki, Azərbaycan-Rusiya dövlət sərhədini qanunsuz şəkildə keçməyə cəhd edən iki xarici ölkə vətəndaşı saxlanılıb.Hadisə Dövlət Sərhəd Xidmətinin Sərhəd Qoşunlarının “Xudat” sərhəd dəstəsinin xidməti ərazisində qeydə alınıb. Sərhəd naryadının keçirdiyi tədbir nəticəsində Əlcəzair vətəndaşları, 1994-cü il təvəllüdlü Makhlouf Houari və 1996-cı il təvəllüdlü Brahim Houari saxlanılıblar.Məlumata görə, şəxslər Azərbaycan ərazisindən Rusiya istiqamətində dövlət sərhədini qanunsuz keçməyə çalışıblar.
Faktla bağlı əməliyyat-istintaq tədbirləri davam etdirilir.
